കണ്ണൂര്‍: സിറ്റി പൊലിസ് സ്റ്റേഷന്‍ പരിധിയില്‍ ക്വട്ടേഷന്‍ സംഘത്തിന്റെ വെട്ടേറ്റ മധ്യവയസ്‌കന്റെ നില ഗുരുതരം. സിറ്റി വീട്ടിവയലിനു സമീപം പൂത്തട്ടക്കാവിനടുത്ത അനീഷ് (51) ആണ് വെട്ടേറ്റത്. ഇരുകാലുകള്‍ക്കും വെട്ടേറ്റ അനീഷിനെ കൊയിലി ആശുപത്രിയിലെ പ്രഥമശുശ്രൂഷകള്‍ക്കുശേഷം മംഗളൂരുവിലേക്കു കൊണ്ടുപോയി. ഞായറാഴ്ച രാത്രി 10ഓടെ സിറ്റി റെയില്‍വേ ട്രാക്കിനു സമീപമായിരുന്നു ഇയാളെ വെട്ടേറ്റനിലയില്‍ കണ്ടത്. പെയിന്റിങ് കോണ്‍ട്രാക്ടറാണ്. സിറ്റി പൊലിസ് അന്വേഷണം ആരംഭിച്ചു.