തിരുവനന്തപുരം: നിലപാടുകളില്‍ യു ടേണ്‍ എടുക്കല്‍ മുഖ്യമന്ത്രി പിണറായി വിജയന്റെ മുഖമുദ്രയായി മാറിയെന്ന് പ്രതിപക്ഷ നേതാവ് രമേശ് ചെന്നിത്തല.
സെക്രട്ടേറിയറ്റിന് മുന്നില്‍ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. എല്ലാ കാര്യത്തിലും യു ടേണ്‍ അടിക്കുന്ന സര്‍ക്കാരാണ് എല്‍.ഡി.എഫ് സര്‍ക്കാര്‍. പ്രവാസികള്‍ തിരിച്ചു വരരുത് എന്നാണ് സര്‍ക്കാര്‍ ആഗ്രഹിച്ചത്. നിബന്ധനകള്‍ വെച്ചത് പ്രവാസികളുടെ വരവ് തടയാനാണെന്നും ചെന്നിത്തല കുറ്റപ്പെടുത്തി.സര്‍ക്കാരിന്റെ തലതിരിഞ്ഞ തീരുമാനങ്ങളെക്കുറിച്ചു വാര്‍ത്ത നല്‍കുന്ന മാധ്യമങ്ങളെയും പ്രതിപക്ഷത്തെയും മുഖ്യമന്ത്രി ആക്ഷേപിക്കുകയാണെന്നും ചെന്നിത്തല പറഞ്ഞു.