ചിറ്റൂര്‍: കാറില്‍ കടത്താന്‍ ശ്രമിച്ച കഞ്ചാവുമായി രണ്ടു പേര്‍ പിടിയില്‍.തമിഴ്‌നാട്ടില്‍ നിന്നും കേരളത്തിലേക്ക് കാറില്‍ കടത്താന്‍ ശ്രമിച്ച 1.200 ഗ്രാം കഞ്ചാവുമായി രണ്ടു പേരെ ചിറ്റൂര്‍ എക്‌സൈസ് പിടികൂടി.
പട്ടാമ്പി വിളയൂര്‍ പേരടിയൂര്‍ സ്വദേശികളായ ഓടുപാറ ചെറൂളത്തൊടി വീട്ടില്‍ മുഹമ്മദ് റിയാസ്, പടിഞ്ഞാറെ വില്ലങ്ങാന്‍ വീട്ടില്‍ അമല്‍ എന്നിവരാണ് പിടിയിലായത്. അതിര്‍ത്തി പ്രദേശമായ എക്‌സൈസ് സര്‍ക്കിള്‍ ഇന്‍സ്‌പെക്ടറുടെ കെ.എസ് പ്രശോഭിന്റെ നേത്യത്വത്തില്‍ ഗോപാലപുരത്ത് വച്ച് നടത്തിയ വാഹന പരിശോധനയിലാണ് കഞ്ചാവുമായി രണ്ടു പേരെ പിടികൂടിയത്. ചോദ്യം ചെയ്തതില്‍ ദേഹത്ത് പ്രത്യേകരീതിയില്‍ പച്ചകുത്തിയവര്‍ക്ക് മാത്രമേ കഞ്ചാവ് വില്‍പന നടത്താറുള്ളുവെന്ന് ബോധ്യപ്പെട്ടതായി എക്‌സൈസ് സംഘം പറഞ്ഞു.