തിരൂരങ്ങാടി: നന്നമ്പ്ര വില്ലേജില്‍ വിവിധ പ്രദേശങ്ങളിലെ വയലുകളില്‍ നടക്കുന്ന അനധികൃത നിര്‍മാണങ്ങള്‍ തടണമെന്ന് നന്നമ്പ്ര പഞ്ചായത്ത് മുസ്‌ലിം യൂത്ത് ലീഗ് കമ്മിറ്റി ആവശ്യപ്പെട്ടു.
തിരുത്തി, കുണ്ടൂര്‍, ചെറുമുക്ക് പ്രദേശങ്ങളില്‍ വയലുകളില്‍ അനധികൃത നിര്‍മാണങ്ങള്‍ നടക്കുന്നുണ്ട്. അധികൃതരുടെ ഒത്താശയോടെ അനധികൃത നിര്‍മാണങ്ങള്‍ നടക്കുന്നതെങ്കില്‍ മുസ്‌ലിം യൂത്ത് ലീഗ് ശക്തമായ ബഹുജന പ്രക്ഷോഭം സംഘടിപ്പിക്കുമെന്നും കമ്മിറ്റി മുന്നറിയിപ്പ് നല്‍കി. യു.എ റസാഖ് അധ്യക്ഷനായി.  ജാഫര്‍ പനയത്തില്‍ ഉദ്ഘാടനം ചെയ്തു.ഷമീര്‍, തിലായില്‍ സ്വാലിഹ്, യു. ഷാഫി, ഹക്കീം മൂച്ചിക്കല്‍, കെ.കെ റഷീദ്, കാവുങ്ങല്‍ മോഹ്‌യുദ്ധീന്‍, കെ റഹീം, എം.സി അന്‍വര്‍, ഇല്ലിക്കല്‍ സക്കരിയ്യ, കരുവാട്ടില്‍ അഷ്‌റഫ്, കെ.കെ സാദിഖ്, കെ മനാഫ് സംസാരിച്ചു.