കല്‍പ്പറ്റ: എന്‍.ജി.ഒ അസോസിയേഷന്‍ പ്രതിനിധികളെ സ്ഥലം മാറ്റിയതില്‍ പ്രതിഷേധിച്ച് കേരള എന്‍.ജി.ഒ അസോസിയേഷന്‍ ജില്ലാ കമ്മിറ്റിയുടെ നേതൃത്വത്തില്‍ കലക്ട്രേറ്റ് പ്രതിഷേധ പ്രകടനവും വിശദീകരണ യോഗവും നടത്തി. സംസ്ഥാന സെക്രട്ടറിയേറ്റംഗം ഉമാശങ്കര്‍ ഉദ്ഘാടനം ചെയ്തു. ജില്ലാ പ്രസിഡന്റ് വി.സി സത്യന്‍ അധ്യക്ഷനായി. സംസ്ഥാന സെക്രട്ടറിയേറ്റംഗം ബിനു കോറോത്ത്, ഒ.എം ജയേന്ദ്രകുമാര്‍, സജി ജോണ്‍, എന്‍.ജെ ഷിബു, കെ.കെ രമാദേവി, വി മനോജ്, കെ.ടി ഷാജി, ആര്‍ രാംപ്രമോദ്, നളിനി ശിവന്‍, ടി അജിത്കുമാര്‍, വി.ആര്‍ ജയപ്രകാശ്, കെ യൂസഫ്, പി.എച്ച് അഷ്‌റഫ് ഖാന്‍, ജി പ്രവീണ്‍ കുമാര്‍ സംസാരിച്ചു. ലൈജു ചാക്കോ, ടി പരമേശ്വരന്‍, നൈജിന്‍ ജോസ്, എം.സി ശ്രീരാമകൃഷ്ണന്‍, പി.എസ് ഷാജി, സി.എസ് പ്രഭാകരന്‍, ഇ വിനോദ്, കെ.ജെ ബിജു, ഗ്ലോറിന്‍ സെക്വീര നേതൃത്വം നല്‍കി.