പൊന്നാനി: കേരള പബ്ലിക് സര്‍വിസ് കമ്മീഷന്റെ 14ാമത് ചെയര്‍മാനായി തിരഞ്ഞെടുത്ത അഡ്വ. എം.കെ സക്കീറിന് വന്നേരിനാട് പൗരാവലി സ്വീകരണം നല്‍കുന്നു. 23ന് വൈകിട്ട് അഞ്ചിനു വെളിയങ്കോട് ഉമരി സ്‌കൂള്‍ അങ്കണത്തില്‍ നടക്കുന്ന സ്വീകരണ യോഗം നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും.
 ഇ.ടി മുഹമ്മദ് ബഷീര്‍ എം.പി സക്കീറിന് ഉപഹാര സമര്‍പ്പണം നടത്തും. വി.ടി ബല്‍റാം എം.എല്‍.എ മുഖ്യപ്രഭാഷണവും, മുഹമ്മദ് മുഹ്‌സിന്‍ എം.എല്‍.എ അനുമോദന പ്രഭാഷണവും നിര്‍വഹിക്കും. ആബിദ് ഹുസൈന്‍ തങ്ങള്‍ എം.എല്‍.എ, രാഷ്ട്രീയ സാമൂഹ്യ സാംസ്‌കാരിക രംഗത്തെ പ്രമുഖരും ചടങ്ങില്‍ സംബന്ധിക്കും. സ്വീകരണത്തിന് മുന്നോടിയായി വര്‍ണാഭമായ ഘോഷയാത്രയും നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. വാര്‍ത്താസമ്മേളനത്തില്‍ പ്രൊഫ. വി.കെ  ബേബി, ഷാജി കാളിയത്തേല്‍, കെ.കെ ബീരാന്‍ കുട്ടി, എന്‍.കെ സൈനുദീന്‍, ഹുസൈന്‍ പാടത്തകയില്‍, യൂസഫ് ഷാജി സംബന്ധിച്ചു.