തെഹ്‌റാന്‍: എട്ട് ഐ.എസ്തീവ്രവാദികളെ ഇറാന്‍ തൂക്കിലേറ്റി. കഴിഞ്ഞ വര്‍ഷം ഇറാന്‍ പാര്‍ലമെന്റിലും ആയത്തുല്ല ഖുമൈനി മ്യൂസിയത്തിലും നടന്ന ആക്രമണവുമായി ബന്ധപ്പെട്ടാണ് ഇവരെ തൂക്കിലേറ്റിയത്.
ഇറാനില്‍ ഐ.എസിന്റെ നേതൃത്വത്തില്‍ നടന്ന ആദ്യത്തെ ആക്രമണമായിരുന്നു ഇത്. ഏപ്രില്‍ ഏഴിന് നടന്ന സംഭവത്തില്‍ 18 പേരാണ് കൊല്ലപ്പെട്ടത്. പാര്‍ലമെന്റ് സമ്മേളനം നടക്കുന്നതിനിടെ നാല് സായുധ തീവ്രവാദികള്‍ ഹാളിന് സമീപത്തേക്ക് ഇരച്ചുകയറുകയായിരുന്നു. ഇതിനിടെയാണ് ഖുമൈനി മ്യൂസിയത്തിലേക്ക് ചാവേര്‍ ആക്രമണവും വെടിവയ്പുമുണ്ടായത്.