കൊച്ചി: സംസ്ഥാനത്തെ വിവിധ സര്‍വകലാശാലകളിലെ രജിസ്ട്രാര്‍ അടക്കം ഉന്നത ഉദ്യോഗസ്ഥരുടെ നിയമന കാലാവധി 56 വയസായി നിജപ്പെടുത്തിയ സര്‍ക്കാര്‍ ഓര്‍ഡിനന്‍സ് ഹൈക്കോടതി ശരിവച്ചു.

രജിസ്ട്രാര്‍, പരീക്ഷാ കണ്‍ട്രോളര്‍, ഫിനാന്‍സ് ഓഫിസര്‍ പദവികളിലെ നിയമന കാലാവധി ഏകീകരിച്ച സര്‍ക്കാര്‍ ഓര്‍ഡിനന്‍സിനെതിരേ കാലിക്കറ്റ് സര്‍വകലാശാല രജിസ്ട്രാര്‍ ഡോ. അബ്ദുല്‍ മജീദ്, എം.ജി സര്‍വകലാശാല ഫിനാന്‍സ് ഓഫിസര്‍ എബ്രഹാം ജെ പുതുമന, പരീക്ഷാ കണ്‍ട്രോളര്‍ എം തോമസ് ജോണ്‍, കാലിക്കറ്റ് പരീക്ഷാ കണ്‍ട്രോളര്‍ ഡോ. വി.വി ജോര്‍ജ്കുട്ടി, കണ്ണൂര്‍ രജിസ്ട്രാര്‍ ഡോ. ബാലചന്ദ്രന്‍ കീഴോത്ത്, കുസാറ്റ് രജിസ്ട്രാര്‍ ഡോ. എസ്. ഡേവിഡ് പീറ്റര്‍ എന്നിവര്‍ നല്‍കിയ ഹരജികളാണ് ജസ്റ്റിസ് കെ. വിനോദ് ചന്ദ്രന്‍, ജസ്റ്റിസ് വി.ജി അരുണ്‍ എന്നിവരടങ്ങുന്ന ഡിവിഷന്‍ ബെഞ്ച് തള്ളിയത്.