കോയമ്പത്തൂര്‍: കേരളത്തില്‍ നിന്നും ദുരൂഹസാഹചര്യത്തില്‍ കാണാതായ രണ്ടു യുവാക്കളെ കോയമ്പത്തൂരിനടുത്ത് തിരുപ്പൂരില്‍ പൊലിസ് കണ്ടെത്തി. പാലക്കാടുനിന്നും കാണാതായ നാലുപേരില്‍ രണ്ടുപേരെയാണ് തിരുപ്പൂരിലെ ഒരു സ്ഥാപനത്തില്‍ ജോലിചെയ്യുന്നതായി കണ്ടെത്തിയത്.
കഴിഞ്ഞ 20 ദിവസമായി ഇവര്‍ ഇവിടെ ജോലിനോക്കുന്നതായി പറയുന്നു. പിടിയിലായവര്‍ പാലക്കാട് സ്വദേശികളായ മുഹമ്മദ് സമീര്‍, സല്‍മാന്‍ എന്നിവരാണ്.
കഴിഞ്ഞ ദിവസം തിരുപ്പൂരില്‍ പലചരക്കുകട നടത്തുന്ന ബംഗാള്‍ സ്വദേശിയായ മൊഷിറുദ്ദീനെ ഐ.എസ് ബന്ധം ആരോപിച്ച് പൊലിസ് അറസ്റ്റു ചെയ്തിരുന്നു. മൊഷിറുദ്ദീനുമായി ഇവര്‍ക്ക് ബന്ധമുണ്ടോ എന്ന് അന്വേഷിച്ചുവരുന്നു.