കൊയിലാണ്ടി: മദ്‌റസ വിദ്യാര്‍ഥിയെ ബൈക്കിലെത്തിയ സംഘം അക്രമിച്ചു. കൊയിലാണ്ടി ബാഫഖി തങ്ങള്‍ സ്മാരക മദ്‌റസ വിദ്യാര്‍ഥിയായ ബൈത്തുല്‍ ഖമറില്‍ മുഹമ്മദ് റാഷിദി (13)നെയാണ് ഇന്നലെ വൈകിട്ട് ഏഴ് മണിക്ക് സൂരജ് ഓഡിറ്റോറിയത്തിന് സമീപത്ത് വച്ച് സൈക്കിള്‍ തടഞ്ഞ് നിര്‍ത്തി ബൈക്കിലെത്തിയ രണ്ടുപേര്‍ ക്രൂരമായി മര്‍ദിച്ചത്.
വിദ്യാര്‍ഥിയെ കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചു. മദ്‌റസ കമ്മിറ്റി കൊയിലാണ്ടി പൊലിസില്‍ പരാതി നല്‍കി. സംഭവത്തില്‍ മദ്‌റസ കമ്മിറ്റി പ്രതിഷേധിച്ചു. യൂസഫ് കൊയിലാണ്ടി, കെ. മൊയ്തീന്‍കോയ, എ. അസീസ് മാസ്റ്റര്‍ എന്നിവര്‍ വിദ്യാര്‍ഥിയെ സന്ദര്‍ശിച്ചു.