കുമ്പള: ഇമാം ശാഫി ഇസ്‌ലാമിക് അക്കാദമിയില്‍ നടക്കുന്ന ജല്‍സ: സീറതു ഇമാം ശാഫി ആണ്ടു നേര്‍ച്ചയോടനുബന്ധിച്ചു നടക്കുന്ന മജ്‌ലിസുന്നൂര്‍ വാര്‍ഷിക സംഗമം കെ.എസ് സയ്യിദ് അലി തങ്ങള്‍ കുമ്പോള്‍ ഉദ്ഘാടനം ചെയ്തു. മജ്‌ലിസുന്നൂറിന് എം.എം ഖാസിം മുസ്‌ലിയാര്‍, എം.എസ് തങ്ങള്‍ മദനി, യു.എം അബ്ദുറഹ്മാന്‍ മുസ്‌ലിയാര്‍  നേതൃത്വം നല്‍കി. സയ്യിദ് സഫ്‌വാന്‍ തങ്ങള്‍ ഏഴിമല കൂട്ടുപ്രാര്‍ഥനക്കു നേതൃത്വം നല്‍കി.
ആനമങ്ങാട് മുഹമ്മദ് കുട്ടി മുസ്‌ലിയാര്‍ ഉദ്‌ബോധനം നടത്തി. പാണക്കാട് സയ്യിദ് ശഫീഖലി ശിഹാബ് തങ്ങള്‍, ഖാസി സയ്യിദ് മുഹമ്മദ് മദനി തങ്ങള്‍ മൊഗ്രാല്‍, ടി പൂക്കോയ തങ്ങള്‍ ചന്തേര, സയ്യിദ് സൈനുല്‍ ആബിദിന്‍ ജിഫ്രി തങ്ങള്‍ പൊസോട്ട്, ഖാസി പയ്യക്കി അബ്ദുല്‍ ഖാദിര്‍ മുസ്‌ലിയാര്‍, ഹാജി വി.കെ അബൂബക്കര്‍ മുസ്‌ലിയാര്‍ സംബന്ധിച്ചു.
ഇന്നു രാവിലെ 10ന് ഇത്തിസാല്‍ കുടുംബ സംഗമം ഖാസി ത്വാഹ അഹ്മദ് മൗലവി അല്‍ അസ്ഹരി ഉദ്ഘാടനം ചെയ്യും. നാളെ നടക്കുന്ന സമാപന സമ്മേളനം എം.എം ഖാസിം മുസ്‌ലിയാരുടെ അധ്യക്ഷതയില്‍ സമസ്ത ജില്ലാ സെക്രട്ടറി യു.എം അബ്ദു റഹ്മാന്‍ മൗലവി ഉദ്ഘാടനം ചെയ്യും.
സയ്യിദ് സൈനുല്‍ ആബിദിന്‍ തങ്ങള്‍ അല്‍ ബുഖാരി കുന്നംകൈ കൂട്ടുപ്രാര്‍ഥനക്കു നേതൃത്വം നല്‍കും.
കര്‍ണാടക ഭക്ഷ്യമന്ത്രി യു.ടി ഖാദര്‍, മൊയ്തീന്‍ ബാവ എം.എല്‍.എ, ചെര്‍ക്കളം അബ്ദുല്ല, എം.എല്‍.എമാരായ എന്‍.എ നെല്ലിക്കുന്ന്, പി.ബി അബ്ദു റസാഖ് എന്നിവരും മെട്രോ മുഹമ്മദ് ഹാജി, യഹ്‌യ തളങ്കര, അബ്ദുല്‍ ലത്തീഫ് ഉപ്പള, ഡോ. മുഹമ്മദ് പാവൂര്‍ സംബന്ധിക്കും.