ഗൂഡല്ലൂര്‍: കോടതി ഉത്തരവിനെ തുടര്‍ന്ന് അടച്ചുപൂട്ടിയ റിസോര്‍ട്ടില്‍ മോഷണം നടത്തിയ നാലു പേര്‍ അറസ്റ്റില്‍.
പൊക്കാപുരം സ്വദേശികളായ രവി (39), സുരേഷ് ബാബു (27), മുരുകന്‍ (23), ശശികുമാര്‍ (35) എന്നിവരാണ് അറസ്റ്റിലായത്. മസിനഗുടിക്ക് സമീപം പൊക്കാപുരത്തെ കോടതി ഉത്തരവിനെ തുടര്‍ന്ന് സീല്‍ ചെയ്ത റിസോര്‍ട്ടിലാണ് മോഷണം നടന്നത്. റിസോര്‍ട്ടിന്റെ പിന്‍വാതില്‍ കുത്തിത്തുറന്ന് കട്ടില്‍, കിടക്ക തുടങ്ങിയവയാണ് മോഷ്ടിച്ചത്. മസിനഗുടി പൊലിസിനാണ് കേസന്വേഷണ ചുമതല.