പാണ്ടിക്കാട്: പഞ്ചായത്തിലെ ചൂരക്കാവ്, ഒറവംപുറം, മോഴക്കല്ല്, കട്ടക്കുളം, മൊയാതുണ്ണിപ്പാടം, ആശുപത്രിക്കുന്ന് തുടങ്ങിയ സ്ഥലങ്ങളില്‍ തെരുവു നായകളുടെ ശല്യം രൂക്ഷം. കുട്ടികളെ കടകളില്‍ അയക്കാന്‍ വരെ രക്ഷിതാക്കള്‍ ഭയക്കുകയാണ്. നായകള്‍ കുറുകെ ചാടി ഇരുചക്ര വാഹനങ്ങളിലെ യാത്രക്കാര്‍ അപകടത്തില്‍പെടുന്ന സംഭവങ്ങളുമുണ്ടായിട്ടുണ്ട്. വളര്‍ത്തു മൃഗങ്ങളെ തീറ്റക്കായി പുറത്ത് വിടാനും ജനങ്ങള്‍ ഭയക്കുകയാണ്.
അറവ്, ഭക്ഷണ അവശിഷ്ടങ്ങള്‍ പാതയോരങ്ങളിലും പറമ്പുകളിലും അലക്ഷ്യമായി തള്ളുന്നതാണ് തെരുവു നായ ശല്യം രൂക്ഷമാകാന്‍ ഇടവരുത്തുന്നത്.