മൂന്നാര്‍: പാപ്പാത്തിച്ചോലയില്‍ റവന്യൂ അധികൃതര്‍ പൊളിച്ചുനീക്കിയ സ്റ്റീല്‍ കുരിശിനു പകരം അജ്ഞാതര്‍ സ്ഥാപിച്ച മരക്കുരിശ് ഇന്ന് കാണാനില്ല. സംഭവവുമായി ബന്ധപ്പെട്ട് രണ്ടുപേരെ പൊലിസ് കസ്റ്റഡിയിലെടുത്തു. ഇവരെ ചോദ്യം ചെയ്തുവരികയാണ്.

ഇന്നലെ വൈകുന്നേരത്തോടെയാണ് അഞ്ചടി ഉയരത്തിലുള്ള മരക്കുരിശ് സ്ഥാപിച്ചത്. ഇത് സ്ഥാപിച്ചത് ആരാണെന്ന് വ്യക്തമായിരുന്നില്ല. അതിനിടെയാണ് കുരിശ് അപ്രത്യക്ഷമാവുന്നത്. രാത്രിയിലാണ് കുരിശ് എടുത്തുമാറ്റിയത്.