മലപ്പുറം: കേരള സ്‌കൂള്‍ ടീച്ചേഴ്‌സ് യൂണിയന്റെ'സ്മാര്‍ട്ട്ടീച്ചര്‍' പദ്ധതിക്ക് മലപ്പുറം വിദ്യാഭ്യാസ ജില്ലയില്‍ തുടക്കം. അധ്യാപകര്‍ക്ക് സാങ്കേതികജ്ഞാനം നല്‍കുന്നതിനും പരിശീലനം നല്‍കി സ്വയംപര്യാപ്തരാക്കുന്നതിനുമാണ് കെ.എസ്.ടി.യു. 'സ്മാര്‍ട്ട് ടീച്ചര്‍' പദ്ധതി നടപ്പാക്കുന്നത്. കെ.എസ്.ടി.യു സംസ്ഥാന പ്രസിഡന്റ് എ.കെ. സൈനുദ്ദീന്‍ ഉദ്ഘാടനം ചെയ്തു.
ജനറല്‍ സെക്രട്ടറി എം. മുഹമ്മദ് സലീം അധ്യക്ഷനായി. സംസ്ഥാന സെക്രട്ടറി പി.കെ.എം. ഷഹീദ്, ജില്ലാ ജനറല്‍ സെക്രട്ടറി അബ്ദുല്‍മജീദ് കാടേങ്ങല്‍, വി. ഷാജഹാന്‍, എം. സിദ്ദീഖ്, പി.ടി. അഹമ്മദ് റാഫി എന്നിവര്‍ സംസാരിച്ചു.
പരിശീലനത്തിന് പി. മുഹമ്മദ് സബാഹ് നേതൃത്വം നല്‍കി.