മൂന്നാര്‍: പാപ്പാത്തിച്ചോലയില്‍ കയ്യേറ്റം തടയാന്‍ പൊലിസ് സ്ഥിരം കാവല്‍ ഏര്‍പ്പെടുത്തി. എ.എസ്.ഐയുടെ നേതൃത്വത്തില്‍ 10 പൊലിസുകാരുടെ സ്ഥിരം കാവലാണ് ഏര്‍പ്പെടുത്തിയത്.

റവന്യൂ വകുപ്പ് ഉദ്യോഗസ്ഥര്‍ കൈയേറ്റം ഒഴിപ്പിച്ച് മടങ്ങുമ്പോഴേക്കും സ്ഥലത്ത് വീണ്ടും മരക്കുരിശ് സ്ഥാപിച്ചിരുന്നു. കൂടാതെ അത് ഇന്ന് രാവിലെ അജ്ഞാതര്‍ നീക്കം ചെയ്യുകയും ചെയ്തിരുന്നു. ഇവിടെ ഇനിയും കയ്യേറ്റം നടക്കാനുള്ള സാധ്യത പരിഗണിച്ചാണ് പൊലിസ് കാവല്‍ ഏര്‍പ്പെടുത്താന്‍ തീരുമാനിച്ചത്.