വാഷിങ്ടണ്‍: ലോകത്ത് കഴിഞ്ഞ 24 മണിക്കൂറിനിടെ 1.60 ലക്ഷത്തോളം പുതിയ കേസുകള്‍ റിപ്പോര്‍ട്ട് ചെയ്തു. ഇതോടെ ലോകമെമ്പാടുമായി 1,02,43,858 പേര്‍ക്കാണ് രോഗം ബാധിച്ചത്.

24 മണിക്കൂറിനിടെ 3000ല്‍ അധികം പേര്‍ മരിച്ചു. 5,04,410 പേര്‍ രോഗം ബാധിച്ച് വിവിധ രാജ്യങ്ങളിലായി മരിച്ചു. 55,53,495 പേര്‍ രോഗമുക്തി നേടി.

അമേരിക്കയില്‍ 39,000 അധികം പേര്‍ക്കും ബ്രസീലില്‍ 28,000ല്‍ അധികം പേര്‍ക്കും കഴിഞ്ഞ 24 മണിക്കൂറിനിടെ രോഗം ബാധിച്ചു. 26,63,077 പേര്‍ക്കാണ് അമേരിക്കയില്‍ രോഗം സ്ഥിരീകരിച്ചത്. 1,28,437 പേര്‍ മരിച്ചു. ബ്രസീലില്‍ 13,45,254 പേര്‍ക്ക് രോഗം ബാധിച്ചു. 57,658 പേര്‍ മരിച്ചു. ലോകത്ത് ഏറ്റവും കൂടുതല്‍ രോഗികള്‍ ഉള്ള രാജ്യങ്ങളില്‍ റഷ്യയാണ് മൂന്നാം സ്ഥാനത്ത്. 6.34 ലക്ഷം രോഗികളാണ് റഷ്യയിലുള്ളത്. 9073 പേര്‍ മരിച്ചു. ഇന്ത്യ നാലാം സ്ഥാനത്താണ്.

ഏറ്റവും കൂടുതല്‍ രോഗികളുള്ള മറ്റു രാജ്യങ്ങള്‍

• ഇന്ത്യ 5,49,197
• യു.കെ 3,11,151
• സ്‌പെയിന്‍ 2,95,850
• പെറു 2,79,419
• ചിലി 2,71,982