തളിപ്പറമ്പ്: ക്ഷീരവികസന വകുപ്പിന്റെയും തളിപ്പറമ്പ് ബ്ലോക്കിലെ ക്ഷീര സഹകരണ സംഘങ്ങളുടേയും സംയുക്താഭിമുഖ്യത്തില്‍ ബ്ലോക്ക്തല ക്ഷീര കര്‍ഷക സംഗമം കരിമ്പം ക്ഷീരോല്‍പ്പാദക സഹകരണ സംഘത്തില്‍ മന്ത്രി അഡ്വ. കെ. രാജു ഉദ്ഘാടനം ചെയ്തു. ജയിംസ് മാത്യു എം.എല്‍.എ അധ്യക്ഷനായി.
കണ്ണൂര്‍ ക്ഷീര വികസന വകുപ്പ് ഡെപ്യൂട്ടി ഡയറക്ടര്‍ ജെയിന്‍ ജോര്‍ജ് പദ്ധതി വിശദീകരിച്ചു. ബ്ലോക്കില്‍ ഏറ്റവും കൂടുതല്‍ പാല്‍ അളന്ന ആപ്‌കോസ് സംഘമായ പറവൂര്‍ ക്ഷീരസംഘം ഭാരവാഹികളെയും ഏറ്റവും കൂടുതല്‍ പാല്‍ അളന്ന പരമ്പരാഗത സംഘമായ ബക്കളം സംഘം ഭാരവാഹികളെയും മന്ത്രി ആദരിച്ചു.
ബ്ലോക്കില്‍ ഏറ്റവും കൂടുതല്‍ പാല്‍ അളന്ന ക്ഷീര കര്‍ഷകന്‍ സുബൈറിനെ ബ്ലോക്ക് പഞ്ചായത്ത് പ്രസിഡന്റ് ടി. ലത ആദരിച്ചു. കന്നുകാലി പ്രദര്‍ശന വിജയികള്‍ക്കുള്ള സമ്മാന ദാനം തളിപ്പറമ്പ് ബ്ലോക്ക് പഞ്ചായത്ത് വൈസ് പ്രസിഡന്റ് വി.പി ഗോവിന്ദന്‍ വിതരണം ചെയ്തു.
സി. ജീജ, ചിത്രലേഖ, ജോസ് ജോസഫ്, കെ. ലളിത, വി.എ റഹീം, പി. ഷീബ, പി. ലക്ഷ്മണന്‍, വി.വി കണ്ണന്‍, കെ. കൃഷ്ണന്‍, ബിജു സ്‌കറിയ, എം. സുരേശന്‍, അനുമോള്‍ ജോസഫ്, പ്രേമരാജന്‍, ജീവന്‍രാജ്, വി.വി ചന്ദ്രന്‍, ടി. ജനാര്‍ദ്ദനന്‍, പി. വിജയന്‍, പി.കെ കുഞ്ഞിരാമന്‍, എ.കെ ഭാസ്‌കരന്‍, ആലിക്കുഞ്ഞി പന്നിയൂര്‍, എ. പ്രേമന്‍ സംസാരിച്ചു.