കാഞ്ഞങ്ങാട്: വഴിയരികിലെ കുറ്റിക്കാട്ടില്‍ ഒളിച്ചിരുന്നു സ്‌കൂള്‍ വിദ്യാര്‍ഥിനികള്‍ക്കു നേരെ ഉടുമുണ്ട് പൊക്കിയ സംഭവത്തില്‍ യുവാവിനെ നാട്ടുകാരും പൊലിസും ചേര്‍ന്ന് പിടികൂടി. മടിക്കൈ പെരളത്തെ അശോകനെയാണ് (24) ഹൊസ്ദുര്‍ഗ് പൊലിസ് പിടികൂടിയത്. പെണ്‍കുട്ടികള്‍ രക്ഷിതാക്കളോടു പരാതി പറയുകയായിരുന്നു. പോക്‌സോ വകുപ്പ് ചുമത്തി അറസ്റ്റ് ചെയ്ത അശോകനെ ഇന്നലെ ഉച്ച കഴിഞ്ഞു ഹൊസ്ദുര്‍ഗ് ജുഡിഷ്യല്‍ ഒന്നാം ക്ലാസ് മജിസ്ട്രേറ്റ് കോടതിയില്‍ ഹാജരാക്കി. മുമ്പ് ബസ് ക്ലീനര്‍ ആയി ജോലി ചെയ്തിരുന്ന അശോകന്‍ ഒരു മോഷണക്കേസിലും പ്രതിയായി തടവുശിക്ഷ അനുഭവിച്ചിട്ടുണ്ട്.