കൊല്ലം: തപസ്യ കലാസാഹിത്യവേദി കോളജ് വിദ്യാര്‍ഥികള്‍ക്കായി സംഘടിപ്പിച്ച ദ്വിദിന മാധ്യമശില്‍പശാല കവി എസ് .രമേശന്‍നായര്‍ ഉദ്ഘാടനം ചെയ്തു. സംഘാടകസമിതി ചെയര്‍മാന്‍ കല്ലട ഷണ്‍മുഖന്‍ അധ്യക്ഷനായിരുന്നു. ജനറല്‍ കണ്‍വീനര്‍ വിശ്വകുമാര്‍ കൃഷ്ണജീവനം, തപസ്യ ജില്ലാ അധ്യക്ഷന്‍ ഡോ.വി.എസ്.രാധാകൃഷ്ണന്‍, ക്യാംപ്  ഡയറക്ടര്‍ കുമാര്‍ ചെല്ലപ്പന്‍, ജനറല്‍ സെക്രട്ടറി ആര്‍.അജയകുമാര്‍ എന്നിവര്‍ സംസാരിച്ചു. സംസ്ഥാന വര്‍ക്കിങ് പ്രസിഡന്റ് പ്രൊഫ.പി.ജി.ഹരിദാസ്, സംസ്ഥാന ജനറല്‍ സെക്രട്ടറി സി.രജിത്കുമാര്‍, സംഘടനാ സെക്രട്ടറി പി.ഉണ്ണികൃഷ്ണന്‍ തുടങ്ങിയവര്‍ സംബന്ധിച്ചു.
അമൃതാ യൂനിവേഴ്‌സിറ്റി ഡയറക്ടര്‍ ഡോ.യു കൃഷ്ണകുമാര്‍, അമൃത ടിവി ചീഫ് എഡിറ്റര്‍ ജി.കെ.സുരേഷ്ബാബു, കൊച്ചിന്‍ ശാസ്ത്രസാങ്കേതിക സര്‍വ്വകലാശാല പബ്ലിക്ക് റിലേഷന്‍സ് ഡയറക്ടര്‍ അനില്‍കുമാര്‍ വടവാതൂര്‍, ഏഷ്യാനെറ്റിന്റെ സ്ഥാപകരില്‍ ഒരാളായ ടി.മുകുന്ദന്‍മേനോന്‍ എന്നിവര്‍ ക്ലാസ് നയിച്ചു. ഇന്ന് രാവിലെ എട്ടുമുതല്‍ വിദ്യാര്‍ത്ഥികളുമായി സംവാദം.