ചവറ: തേവലക്കര പടിഞ്ഞാറ്റക്കര മുളക്കല്‍ സ്‌കൂളിന് സമീപം കാക്കത്തോപ്പ്  പ്രദേശത്ത്  മാലിന്യ നിക്ഷേപം വ്യാപകം. മൈനാഗപ്പള്ളിയില്‍ നിന്നും പടിഞ്ഞാറ്റക്കരക്ക് പോകുന്ന റോഡിന് ഇരുവശത്തുമായി വന്‍തോതില്‍ മാലിന്യം നിക്ഷേപിക്കുകയാണ്.  
അറവ് മാലിന്യവും കക്കൂസ് മാലിന്യവും വരെ ഇത്തരത്തില്‍ ഇവിടെ വാഹനങ്ങളില്‍ കൊണ്ടുവന്നു തള്ളുകയാണ്. ഇതു വഴി മൂക്കു പൊത്താതെ നടക്കാനാകാത്ത സ്ഥിതിയാണ്. സന്ധ്യ കഴിഞ്ഞാല്‍ ഇവിടം സാമൂഹ്യ വിരുദ്ധരുടെ താവളവുമാണെന്ന് പ്രദേശവാസികള്‍ പറയുന്നു.
തേവലക്കര  മൈനാഗപ്പള്ളി പഞ്ചായത്തുകളുടെ അതിര്‍ത്തി പ്രദേശമായ ഇവിടം തെക്കുംഭാഗം, ശാസ്താംകോട്ട പൊലിസ് സ്റ്റേഷനുകളുടെ അതിര്‍ത്തിയാണ്. പൊലിസ് കര്‍ശന നടപടിയെടുക്കണെമന്ന ആവശ്യം ശക്തമാണ്.