കോട്ടയം: യു.ഡി.എഫ് എടുത്തിരിക്കുന്നത് നീതിയില്ലാത്ത തീരുമാനമാണെന്ന് ജോസ് കെ മാണി. കേവലം ഒരു ഘടകകക്ഷി എന്നതിനപ്പുറം ഐക്യജനാധിപത്യ മുന്നണിയ്ക്ക് വളരെ കരുത്തുള്ള അടിത്തറ പാകിയ പ്രസ്ഥാനമാണ് കേരളകോണ്‍ഗ്രസ് എമ്മും മാണി സാറും. കേവലം ഒരു ലോക്കന്‍ ബോഡി പദവിക്കുവേണ്ടി ആ ഹൃദയബന്ധം മുറിച്ചുവെന്നും ജോസ് കെ മാണി പറഞ്ഞു.

ഈ തീരുമാനം സാധാരണക്കാരായ യു.ഡി.എഫ് പ്രവര്‍ത്തകരെപ്പോലും മുറിവേല്‍പ്പിച്ചു. എത്രയോ പേര്‍ ഫോണില്‍ വിളിച്ച് നിങ്ങളോട് ചെയ്തത് അനീതിയാണെന്ന് പറഞ്ഞു. കേരളാ കോണ്‍ഗ്രസിനെ തകര്‍ക്കാന്‍ മുന്‍പും ശ്രമം നടന്നിരുന്നു. അതിനെയെല്ലാം അതിജീവിച്ചാണ് കേരള കോണ്‍ഗ്രസ് മുന്നോട്ട് പോയിട്ടുള്ളത്. ഇനിയും കൂടുതല്‍ കരുത്തോടെ മുന്നോട്ടുപോകും. കേരളാ കോണ്‍ഗ്രസിനെ സംരക്ഷിക്കാന്‍ നോക്കിയപ്പോഴാണ് താന്‍ മോശക്കാരനായതെന്നും ജോസ് കെ മാണി പറഞ്ഞു.