മതിലകം: സംസ്ഥാന സര്‍ക്കാറിന്റെ സിവില്‍ സപ്ലൈകോയുടെ നിയോജക മണ്ഡല അടിസ്ഥാനത്തിലുള്ള 25 രൂപയുടെ അരിക്കട മതിലകം സെന്ററിലെ സപ്ലൈക്കോയില്‍ ഇ.ടി ടൈസണ്‍ മാസ്റ്റര്‍ എം.എല്‍.എ ഉദ്ഘാടനം ചെയ്തു.
മാസത്തില്‍ ഒരു റേഷന്‍ കാര്‍ഡില്‍ 10 കിലോ അരി 25രൂപ നിരക്കില്‍ ഉപഭോക്താവിന് ലഭ്യമാവും. മതിലകം പഞ്ചായത്ത് പ്രസിഡന്റ് ഇ.ജി സുരേന്ദ്രന്‍ അധ്യക്ഷനായി.
ബ്ലോക്ക് പഞ്ചായത്ത് പ്രസിഡന്റ് കെ.കെ അബീദലി ആദ്യ വില്‍പന നിര്‍വഹിച്ചു. വൈസ് പ്രസിഡന്റ് സുവര്‍ണ ജയശങ്കര്‍ സപ്പൈസ് ഓഫിസര്‍ റാഫി സംസാരിച്ചു.