കോഴിക്കോട്: ഗൂഗിളിനെ മാത്രം ആശ്രയിക്കാതെ യഥാര്‍ഥ ഇസ്‌ലാമിനെ ഗുരുമുഖത്തു നിന്ന് വായിച്ച് തെറ്റിദ്ധാരണ നീക്കണമെന്ന് അശ്അരീസ് സംഗമം അഭിപ്രായപ്പെട്ടു. മടവൂര്‍ സി.എം മഖാം ശരീഫ് 26-ാം ഉറൂസ് മുബാറക്കിനോടനുബന്ധിച്ച് അശ്അരീസ് അസോസിയേഷന്‍ മഖാം ഓര്‍ഫനേജ് ഓഡിറ്റോറിയത്തില്‍ സംഘടിപ്പിച്ച സംഗമം എസ്.വൈ.എസ് ജില്ലാ ജനറല്‍ സെക്രട്ടറി നാസര്‍ ഫൈസി കൂടത്തായി ഉദ്ഘാടനം ചെയ്തു.
സയ്യിദ് ഹുസൈന്‍ ഹബീബ് തങ്ങള്‍ അശ്അരി അധ്യക്ഷനായി.
    മലയമ്മ അബൂബക്കര്‍ ഫൈസി മുഖ്യപ്രഭാഷണം നടത്തി. അഹമ്മദ്കുട്ടി ഫൈസി വെണ്ണക്കോട്, മുത്താട്ട് അബ്ദുറഹ്മാന്‍ മാസ്റ്റര്‍, ടി.പി.സി മുഹമ്മദ് കോയ ഫൈസി, നാസര്‍ മാസ്റ്റര്‍, റാഷിദ് അശ്അരി നാദാപുരം, ഫൈസല്‍ ഫൈസി മടവൂര്‍, റിയാസ് ഖാന്‍, റിയാസ് അശ്അരി കണ്ണൂര്‍, മുഹമ്മദലി അശ്അരി കരിപ്പൂര്‍ സംസാരിച്ചു. മെഹബൂബലി അശ്അരി സ്വാഗതവും ജുനൈദ് അശ്അരി നന്ദിയും പറഞ്ഞു.