കണ്ണൂര്‍: ബസിടിച്ച് കോളജ് വിദ്യാര്‍ഥിനി മരിച്ച കേസില്‍ ഡ്രൈവര്‍ക്ക് 13മാസം തടവിനു ശിക്ഷിച്ചു. കണ്ണൂര്‍-കോഴിക്കോട് റൂട്ടിലോടുന്ന ഒമേഗ ബസ് ഡ്രൈവര്‍ തലശ്ശേരി സ്വദേശി സര്‍വ്വജിത്തിനെയാണ് ഫസ്റ്റ്ക്ലാസ് മജിസ്‌ട്രേറ്റ് എം.സി ആന്റണി ശിക്ഷവിധിച്ചത്.  തടവ് ശിക്ഷയ്ക്കു പുറമെ 6000 രൂപ പിഴയടക്കണം. 2016 സെപ്റ്റംബര്‍ 29നു രാവിലെയാണ് താഴെചൊവ്വയില്‍ വച്ച് അപകടം നടന്നത്. സ്‌കൂട്ടറില്‍ അച്ചനോടൊപ്പം യാത്ര ചെയ്യുകയായിരുന്ന എസ്.എന്‍ കോളജ് വിദ്യാര്‍ഥിനി ആതിരയാണ് അപകടത്തില്‍ മരിച്ചത്. പിതാവ് ഹരീഷിനും പരുക്കേറ്റിരുന്നു.