വെള്ളാങ്ങല്ലൂര്‍: ശ്രീനാരായണപുരം വെള്ളാങ്ങല്ലൂര്‍ ഗ്രാമ പഞ്ചായത്തുകളെ തമ്മില്‍ ബന്ധിപ്പിക്കുന്ന വള്ളിവട്ടം കടവ് കടത്ത് സര്‍വിസ് നിലച്ചതോടെ യാത്രക്കാര്‍ ദുരിതത്തില്‍.
വെള്ളാങ്ങല്ലൂര്‍ പഞ്ചായത്തില്‍ ക്വട്ടേഷന്‍ നല്‍കി കടത്ത് 2019-20 വര്‍ഷത്തേയ്ക്ക് ഏറ്റെടുക്കാന്‍ ആളില്ലാത്തതിനാലാണ് സര്‍വിസ് നിര്‍ത്തിയത്. വിദ്യാര്‍ഥികളും ജോലിക്കാരും അടക്കം നിരവധി പേര്‍ ആശ്രയിക്കുന്ന സര്‍വിസ് നിര്‍ത്തിയത് വള്ളിവട്ടം നിവാസികളെ യാത്രാ ദുരിതത്തില്‍ ആക്കിയിരിക്കുകയാണ്.
പ്രകൃതി രമണീയമായ ചീപ്പ് ചിറ സന്ദര്‍ശിക്കാന്‍ വള്ളിവട്ടം കടവ് വഴി നിരവധി പേരാണ് ഞായറാഴ്ച അടക്കമുള്ള ഒഴിവ് ദിവസങ്ങളില്‍ വരാറുള്ളത്.
ഇവര്‍ക്കും കടത്ത് വഞ്ചിയില്ലാത്തത് തിരിച്ചടിയായി.