വടകര: ഇതര സംസ്ഥാന തൊഴിലാളിയും ഗര്‍ഭിണിയുമായ യുവതിയെ പീഡിപ്പിക്കാന്‍ ശ്രമിച്ച കേസില്‍ യുവാവിനെ പൊലിസ് അറസ്റ്റ് ചെയ്തു. തലശ്ശേരി മാടപ്പീടിക പുന്നോല്‍ സ്വദേശി പൂവ്വാടന്‍ വീട്ടില്‍ സുബിനി(19) നെയാണ് വടകര എസ്.ഐ കെ.ഇ ജയനും സംഘവും അറസ്റ്റ് ചെയ്തത്.
 കെ.ടി ബസാറില്‍ വാടക കെട്ടിടത്തില്‍ താമസിക്കുന്ന ഉത്തര്‍പ്രദേശ് സ്വദേശിനിയെയാണ് യുവാവ് പീഡിപ്പിക്കാന്‍ ശ്രമിച്ചത്. ഉച്ചയ്ക്ക് കുട്ടിയോടൊപ്പം വീട്ടല്‍ കിടന്നുറങ്ങുകയായിരുന്ന യുവതിയെ കയറിപ്പിടിക്കാന്‍ ശ്രമിക്കുകയായിരുന്നു. എന്നാല്‍ യുവതി ബഹളം വച്ചതിനെ തുടര്‍ന്ന് ഓടിക്കൂടിയ നാട്ടുകാരാണ് പ്രതിയെ പിടികൂടി പൊലിസിലേല്‍പ്പിച്ചത്.
നാലു മാസം ഗര്‍ഭിണിയാണ് ഈ യുവതി. വടകര ജുഡിഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ പതിനാലു ദിവസത്തേക്ക് റിമാന്‍ഡ് ചെയ്തു.