കൊച്ചി: നടി ഷംന കാസിമിനെ ഭീഷണിപ്പെടുത്തിയ കേസില്‍ ജാമ്യം ലഭിച്ച മൂന്നുപ്രതികളെ പൊലിസ് വീണ്ടും അറസ്റ്റുചെയ്തു. 

അബൂക്കര്‍,ശരത്,ഷെരീഫ് എന്നിവരെയാണ് കഴിഞ്ഞദിവസം രാത്രി വീണ്ടും അറസ്റ്റുചെയ്തത്. 

മോഡലുകളായ പെണ്‍കുട്ടികളെ വാളയാറില്‍ തടഞ്ഞുവച്ച് ഭീഷണിപ്പെടുത്തിയ കേസിലാണ് അറസ്റ്റ്. കൊടുങ്ങല്ലൂരിലെ ഇവരുടെ വീടുകളില്‍ നിന്നാണ് അറസ്റ്റുചെയ്തത്. ഇവര്‍ക്ക് ജാമ്യം ലഭിച്ചത് പൊലിസിന്റെ വീഴ്ചമൂലമാണെന്ന് വിമര്‍ശനമുയര്‍ന്നിരുന്നു. ഷംനയുടെ വീട്ടിലെത്തിയ സംഘത്തിലുള്ളവരാണ് അബൂബക്കറും ശരത്തും.