പേരൂര്‍ക്കട: വീടുകയറി ആക്രമണം നടത്തിയതുമായി ബന്ധപ്പെട്ട് നിരവധി ക്രിമിനല്‍ക്കേസുകളിലെ പ്രതി വീണ്ടും പേരൂര്‍ക്കട പൊലിസിന്റെ പിടിയിലായി. പേരൂര്‍ക്കട മണ്ണാമ്മൂല ഇടക്കുളം കുളത്തിന്‍കര വീട്ടില്‍ കുളത്തില്‍ സതീശന്‍ എന്നറിയപ്പെടുന്ന സതീഷ്‌കുമാര്‍ (42) ആണ് പിടിയിലായത്.
കഴിഞ്ഞദിവസം പകല്‍ സമയത്ത് പേരൂര്‍ക്കട അഭയനഗര്‍ സ്വദേശിനി ബിന്ദുവിന്റെ വീട്ടില്‍ അതിക്രമിച്ചുകയറി വീട്ടുകാരെ ആക്രമിച്ചതുമായി ബന്ധപ്പെട്ടാണ് ഇയാള്‍ പിടിയിലായത്. സംഭവത്തിനുശേഷം ഒളിവിലായിരുന്ന പ്രതിയെ പേരൂര്‍ക്കടയില്‍ നിന്നാണ് പേരൂര്‍ക്കട എസ്.ഐ സമ്പത്തിന്റെ നേതൃത്വത്തിലുള്ള സംഘം പിടികൂടിയത്. പേരൂര്‍ക്കട സ്റ്റേഷനില്‍മാത്രം ഇയാള്‍ 20ലേറെ കേസുകളില്‍ പ്രതിയാണ്. അറസ്റ്റിലായ പ്രതിയെ കോടതിയില്‍ ഹാജരാക്കി.