വൈക്കം: കെ.എസ്.ഇ.ബി പെന്‍ഷനേഴ്‌സ് അസോസിയേഷന്‍ വൈക്കം ഡിവിഷന്‍ വാര്‍ഷിക സമ്മേളനം സി.കെ ആശ എം.എല്‍.എ ഉദ്ഘാടനം ചെയ്തു.
ഡിവിഷന്‍ പ്രസിഡന്റ് സി.കെ കുമാരമോഹനന്‍ നായര്‍ അധ്യക്ഷനായി.  യോഗത്തില്‍ ഡിവിഷന്‍ സെക്രട്ടറി ചന്ദ്രസേനകുറുപ്പ് വാര്‍ഷിക റിപ്പോര്‍ട്ടും, ട്രഷറര്‍ എന്‍ കരുണാകരന്‍ ആചാരി കണക്കും അവതരിപ്പിച്ചു.
സംസ്ഥാന വൈസ് പ്രസിഡന്റ് എം ശശിധരന്‍ സംഘടനാ റിപ്പോര്‍ട്ട് അവതരിപ്പിച്ചു. സംസ്ഥാന സെക്രട്ടറി എന്‍.അരവിന്ദാക്ഷന്‍ നായര്‍, പി.ടി തോമസ്, എ.സയ്ഫുദ്ദീന്‍, പ്രേംലാല്‍, പി.എന്‍ അശോകന്‍, ആര്‍.രാജേന്ദ്രന്‍ എന്നിവര്‍ പ്രസംഗിച്ചു. 75 വയസ്സ് പൂര്‍ത്തിയായ അംഗങ്ങളെ ചടങ്ങില്‍ ആദരിച്ചു. ഭാരവാഹികളായി സി.കെ കുമാരമോഹനന്‍ നായര്‍ (പ്രസിഡന്റ്), കെ.വിജയന്‍ (വൈസ് പ്രസിഡന്റ്), ചന്ദ്രസേനകുറുപ്പ് (സെക്രട്ടറി), ആര്‍.രാജേന്ദ്രന്‍ (ജോയിന്റ് സെക്രട്ടറി), എന്‍ കരുണാകരന്‍ ആചാരി (ട്രഷറര്‍), എ സയ്ഫുദ്ദീന്‍ (കേന്ദ്രകമ്മിറ്റി അംഗം) എന്നിവരെ തെരഞ്ഞെടുത്തു.