തളിപ്പറമ്പ് (കണ്ണൂര്‍):പട്ടാപ്പകല്‍ യുവാവിനെതിരെ വധശ്രമം. മലപ്പുറം കുറ്റിപ്പുറം സ്വദേശിയെ മാരക പരുക്കുകളോടെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു. അഷ്‌റഫ് മച്ചിങ്ങലിനു (42) നേരെയായിരുന്നു വധശ്രമം. മൂര്‍ച്ചയേറിയ ആയുധം കൊണ്ടുണ്ടായ അക്രമത്തില്‍ കഴുത്തിനും ഇരു കൈകാലുകള്‍ക്കും ഗുരുതരമായി പരുക്കേറ്റു.

കുറുമാത്തൂര്‍ പൊക്കുണ്ടിലെ താമസ സ്ഥലത്തു വച്ചാണ് രാവിലെ 10.30 ഓടെ രണ്ടംഗ സംഘം അഷറഫിന് അക്രമിച്ചത്. ഇയാള്‍ വര്‍ഷങ്ങളായി ഇവിടെ പാത്ര കച്ചവടം നടത്തി വരികയാണ്. കച്ചവട സ്ഥാപനം നടത്തി വരുന്ന സഹോദരനാണ് നാട്ടുകാരുടെ സഹായത്തോടെ അഷ്‌റഫിനെ ആശുപത്രിയില്‍ എത്തിച്ചത്. മുറിയില്‍ ഉണ്ടായിരുന്ന 22000 രൂപ നഷ്ടപ്പെട്ടതായി പ്രാഥമിക പരിശോധനയില്‍ മനസിലായി.