ഡല്‍ഹി: ഭാഷാ സാഹിത്യരംഗത്തെ നിസ്തുല സംഭാവനകള്‍ മുന്‍നിര്‍ത്തി പ്രഖ്യാപിച്ച രാഷ്ട്രപതിയുടെ സവിശേഷ ബഹുമതി പുരസ്‌കാരം സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് സെക്രട്ടറിയും സമസ്ത കേരള മുസ്‌ലിം എംപ്ലോയീസ് അസോസിയേഷന്‍ സംസ്ഥാന പ്രസിഡന്റുമായ ഡോ. എന്‍.എ.എം അബ്ദുല്‍ ഖാദര്‍ ഏറ്റുവാങ്ങി.

ഉപരാഷ്ട്രപതി വെങ്കയ്യ നായിഡുവില്‍ നിന്നാണ് ഡല്‍ഹി അശോക് ഹോട്ടലില്‍ നടന്ന ചടങ്ങില്‍ പുരസ്‌കാരം ഏറ്റുവാങ്ങിയത്. അഞ്ചുലക്ഷം രൂപയും പ്രശസ്തിപത്രവും അടങ്ങുന്നതാണു പുരസ്‌കാരം.
കാലിക്കറ്റ് യൂനിവേഴ്‌സിറ്റി അറബി വിഭാഗം പ്രൊഫസറും വകുപ്പുമേധാവിയുമായി വിരമിച്ച ഇദ്ദേഹം ഇപ്പോള്‍ കാലിക്കറ്റ് യൂനിവേഴ്‌സിറ്റിയില്‍ ലക്ഷദ്വീപ് ഹയര്‍ എജ്യുകേഷന്‍ ഡീന്‍ ആയി പ്രവര്‍ത്തിച്ചുവരികയാണ്. അറബി സാഹിത്യരംഗത്ത് നല്‍കിയ സംഭാവനകളാണു അദ്ദേഹത്തെ അവാര്‍ഡിന് അര്‍ഹനാക്കിയത്.