നന്തിബസാര്‍: വന്‍മുഖം ഗവ. ഹൈസ്‌കൂളിലെ ഹൈടെക് ക്ലാസ് റൂമുകളുടെ ഉദ്ഘാടനവും എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നതവിജയം നേടിയ വിദ്യാര്‍ഥികള്‍ക്കുള്ള അനുമോദനവും എം.എല്‍.എ കെ. ദാസന്‍ ഉദ്ഘാടനം ചെയ്തു.
സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ മുഖ്യാതിഥിയായി. മൂടാടി പഞ്ചായത്ത് പ്രസിഡന്റ് ഷീജാ പട്ടേരി അധ്യക്ഷയായി. കെ. ജീവനന്തന്‍ മാസ്റ്റര്‍, യു.വി മാധവന്‍, പി. റഷീദ, നഫീസാ മര്‍വ, റാഫി ദാരിമി, പ്രധാനാധ്യാപകന്‍ സി.കെ വാസു, ജോണ്‍ വില്‍ഫ്രഡ്, നൗഫല്‍ നന്തി, പ്രദീപന്‍ സംസാരിച്ചു.