മേപ്പാടി: ലൈന്‍ ബസുകള്‍ ടൂര്‍ സര്‍വിസ് നടത്തിയതില്‍ പ്രതിഷേധിച്ച് ടൂറിസ്റ്റ് ബസുകള്‍ ലൈന്‍ സര്‍വിസ് നടത്താന്‍ ഒരുക്കിയത് സംഘര്‍ഷാവസ്ഥക്ക് കാരണമായി.
ബസുകളുടെയും ട്രാവലുകള്‍ അടക്കമുള്ള മേഖലയേ തകര്‍ക്കുന്ന വിധത്തില്‍ ട്രിപ്പ് കട്ട് ചെയ്ത് വിവാഹം, മറ്റു ദീര്‍ഘദൂര സര്‍വിസുകള്‍ നടത്തുന്നതില്‍ പ്രതിഷേധിച്ചായിരുന്നു സമരം. മേപ്പാടി ബസ് സ്റ്റാന്‍ഡില്‍ ബസുകള്‍ നിര്‍ത്തി ആളെ കയറ്റാന്‍ ശ്രമിച്ചു. ഇത് വാക്ക് തര്‍ക്കത്തിന് കാരണമാവുകയായിരുന്നു. മേപ്പാടി ചുണ്ടേല്‍ റൂട്ടില്‍ സര്‍വിസ് നടത്തുന്ന സ്വകാര്യ ബസുകള്‍ ടൂര്‍ സര്‍വിസ് നടത്തുന്നു എന്നതാണ് പരാതി. ലക്ഷ്വറി ടാക്‌സ് അടക്കം വലിയ തുക അടച്ചു സര്‍വിസ് നടത്തുന്ന ടൂറിസ്റ്റ് ബസ് സര്‍വിസ് മേഖലയെ തകര്‍ക്കുന്ന രീതിയില്‍ നടത്തുന്ന സര്‍വിസ് നിര്‍ത്തിവെക്കണമെന്നായിരുന്നു ആവശ്യം.