തലശ്ശേരി: മൂന്നംഗ സംഘത്തിന്റെ മര്‍ദനമേറ്റ യുവതിയെ ആശുപത്രിയില്‍ പ്രവേശിപ്പിച്ചു. വടക്കുമ്പാട്
പുതിയ റോഡ് ശിവഗംഗയില്‍ സുനിത(37)യ്ക്കാണ് മര്‍ദനമേറ്റത്. പരുക്കേറ്റ സുനിത ജനറല്‍ ആശുപത്രിയില്‍ ചികിത്സയിലാണ്. ശനിയാഴ്ച വൈകുന്നേരം വടക്കുമ്പാട് വച്ചായിരുന്നു സംഭവം. കര്‍ണാടക സ്വദേശിനിയായ സുനിത ഭര്‍ത്താവ് സായിയുടെ വടക്കുമ്പാട്ടെ വീടിനടുത്ത് നിര്‍മിച്ച പുതിയ വീട്ടിലാണ് താമസം. സ്വത്തുതര്‍ക്കത്തെ തുടര്‍ന്ന് വര്‍ഷങ്ങളായി ദ്രോഹിക്കുകയാണെന്നും അതിന്റെ ഭാഗമാണ് അക്രമിക്കപ്പെട്ടതെന്നുമാണ് പരാതി. സംഭവത്തത്തുടര്‍ന്ന് മൂന്ന് പേര്‍ക്കെതിരേ പരാതി നല്‍കിയിട്ടുണ്ട്.