മട്ടന്നൂര്‍: മഹല്ല് സംവിധാനങ്ങള്‍ കാത്തുസൂക്ഷിക്കാന്‍ സമുദായത്തിന് ഉത്തരവാദിത്വമുണ്ടെന്നും വിഘടന ശ്രമങ്ങള്‍ക്ക് കൂട്ടുനില്‍ക്കരുതെന്നും എസ്.വൈ.എസ് നേതാവ് അബ്ദുറഹ്മാന്‍ കല്ലായി. എസ്.എം.എഫ് മട്ടന്നൂര്‍ മേഖലാ സംഗമം ഉദ്ഘാടനം ചെയ്യുകയായിരുന്നു അദ്ദേഹം.
മഹല്ല് ശാക്തീകരണത്തിന്റെ ഭാഗമായി കൂടുതല്‍ വൈവിധ്യമാര്‍ന്ന പ്രവര്‍ത്തനങ്ങള്‍ ആവിഷ്‌കരിക്കുന്ന സാഹചര്യത്തില്‍ എല്ലാ മഹല്ലുകളിലും സജീവ ഇടപെടലുകള്‍ ആവശ്യമാണെന്നും അദ്ദേഹം ചൂണ്ടിക്കാട്ടി. ടി.പി അബ്ദുറഹ്മന്‍ അധ്യക്ഷനായി. കെ അബ്ദുള്ളക്കുട്ടി ഹാജി, ഷൗകത്തലി മൗലവി, റഫീഖ് ഫൈസി ,ഹിദായത്ത് സംസാരിച്ചു.