പെരിന്തല്‍മണ്ണ: ആലിപ്പറമ്പ് പഞ്ചായത്തിലെ പൊതു ജനങ്ങള്‍ക്ക് റേഷന്‍ കാര്‍ഡ് പൂരിപ്പിച്ച് നല്‍കുന്നതിന് പാറല്‍ അല്‍ ഐന്‍ ഓഡിറ്റോറിയത്തില്‍ ഹെല്‍പ്പ് ഡസ്‌ക് സ്ഥാപിച്ച് യൂത്ത് കോണ്‍ഗ്രസ് പ്രവര്‍ത്തകര്‍.
ഇന്നലെ 800ലധികം അപേക്ഷകരാണ് എത്തിയത്. അപേക്ഷ പൂരിപ്പിച്ച് നല്‍കുന്നതിന് പുറമേ ചായയും സ്‌നാക്‌സും നല്‍കിയാണ് പൊതുജനങ്ങളെ പ്രവര്‍ത്തകര്‍ സ്വീകരിച്ചത്.
പഞ്ചായത്ത് വൈസ് പ്രസിഡന്റ് ടി.പി മോഹന്‍ദാസ് എന്ന അപ്പു, ബ്ലോക്ക് പഞ്ചായത്ത് വൈസ് പ്രസിഡന്റ് ടി.കെ സ്വദഖ, ഹുസൈന്‍ പാറല്‍, അഷ്‌റഫ് ശീലത്ത്, സി.പി ശിഹാബുദ്ധീന്‍, സാദിഖ് ആലിപ്പറമ്പ് നേതൃത്വം നല്‍കി.