രാമപുരം: ദേശീയപാത നാറാണത്ത് പുണര്‍പ്പ യു.പി സ്‌കൂളിന് സമീപം കോഴി ലോഡുമായി വന്ന മിനിലോറി മറിഞ്ഞു. ലോറിയിലുണ്ടായിരുന്ന ഡ്രൈവറുള്‍പ്പടെയുള്ള രണ്ടു പേര്‍ നിസാരപരുക്കുകളോടെ രക്ഷപ്പെട്ടു. റോഡിനോട് ചേര്‍ന്നുള്ള വഴിയോരം ഹോട്ടലിന്റെ മുറ്റത്തേക്കാണ് ഇന്നലെ രാവിലെ നാലിനു ലോറി മറിഞ്ഞത്. ലോറിക്കുള്ളില്‍ കുടുങ്ങിയവരെ നാട്ടുകാരാണ് രക്ഷപ്പെടുത്തിയത്. പരുക്കേറ്റവര്‍ പെരിന്തല്‍മണ്ണ സ്വകാര്യ ആശുപത്രിയില്‍ ചികിത്സയിലാണ്. മങ്കട പൊലിസ് മേല്‍നടപടി സ്വീകരിച്ചു.