മനാമ: നാട്ടില്‍ ലോക്‌സഭാ തെരഞ്ഞെടുപ്പ് നടക്കുന്ന സാഹചര്യത്തില്‍ ബഹ്‌റൈനില്‍ ഐക്യ ജനാധിപത്യ മുന്നണി സംഘടിപ്പിക്കുന്ന തെരഞ്ഞെടുപ്പ് കണ്‍വെന്‍ഷന്‍ ശനിയാഴ്ച രാത്രി 7.30ന് മനാമ സാന്റോക്ക് ഹോട്ടല്‍ ഓഡിറ്റോറിയത്തില്‍ നടക്കുമെന്ന് സംഘാടകര്‍ അറിയിച്ചു.

കണ്‍വെന്‍ഷനില്‍ പ്രമുഖ വാഗ്മിയും മുസ്‌ലിം യൂത്ത് ലീഗ് ദേശീയ വൈസ് പ്രസിഡന്റുമായ അഡ്വ. ഫൈസല്‍ ബാബു മുഖ്യപ്രഭാഷണം നടത്തും. ബഹ്‌റൈനിലെ പ്രമുഖ വ്യക്തിത്വങ്ങളും യു.ഡി.എഫ് നേതാക്കളും സംബന്ധിക്കുന്ന കണ്‍വെന്‍ഷനിലേക്ക് ബഹ്‌റൈനിലെ എല്ലാ മതേതര ജനാധിപത്യ വിശ്വാസികളെയും ക്ഷണിക്കുന്നതായി യു.ഡി.എഫ് ബഹ്‌റൈന്‍ നേതാക്കള്‍ അറിയിച്ചു.