പാലക്കാട്: എറണാകുളം മഹാരാജാസ് കോളജിലെ അഭിമന്യുവിന്റെ കൊലപാതകവുമായി ബന്ധപ്പെട്ട് പാലക്കാട് ജില്ലയിലെ എസ്.ഡി.പി.ഐ,പി.എഫ്.ഐ കേന്ദ്രങ്ങളില്‍ പൊലിസ് റെയ്ഡ് നടത്തി.
പാലക്കാട് ടൗണില്‍ താരേക്കാട് എസ്.ഡി.പി.ഐജില്ലാ കമ്മിറ്റി ഓഫിസില്‍ പാലക്കാട്ഡി.വൈ.എസ്.പി ഏ. വിജയകുമാറിന്റെ നേതൃത്വത്തില്‍ ഇന്‍സ്‌പെ ക്ടര്‍മാരായ ഹംസ, പ്രേമാന്ദകൃഷ്ണന്‍ എന്നിവര്‍ ചേര്‍ന്നാണ് റെയ്ഡ് നടത്തിയത്.
ചടനാംകുറുശ്ശിയിലുള്ള ഓഫിസില്‍ പാലക്കാട് ടൗണ്‍ സൌത്ത് ഇന്‍സ്‌പെക്ടര്‍ മനോജ് കുമാറിന്റെ നേതൃത്വത്തിലുമാണ് റെയ്ഡ് നടത്തിയത്. ഈ സംഭവമുമായി ബന്ധപ്പെട്ട് പാലക്കാട് ജില്ലയില്‍ ഇതു വരെയായി മുന്നൂറില്‍ പരം റെ്ഡ് നടത്തുകയും അതില്‍ നൂറോളം പേരെ അറസ്റ്റ് ചെയ്യുകയും എഴുപതോളം പേരെ കരുതല്‍ തടങ്കലില്‍ പാര്‍പ്പിക്കുകയും ചെയ്തു.