ഗൂഡല്ലൂര്‍: മുതുമല കടുവാ സങ്കേതത്തിലെ തെപ്പക്കാട് ആന വളര്‍ത്തു കേന്ദ്രത്തിലെ ആനകളുടെ തൂക്കം പരിശോധിച്ചു. സുഖ ചികിത്സാ ക്യാംപിനൊടുവിലാണ് ആനകളുടെ തൂക്കം പരിശോധിച്ചത്.
പരിശോധനയില്‍ ആനകളുടെ തൂക്കത്തിലും ആരോഗ്യത്തിലും കാര്യമായ പുരോഗതി ഉണ്ടായെന്ന് വനം വകുപ്പ് അധികൃതര്‍ അറിയിച്ചു.
മാര്‍ച്ച് 21 മുതലാണ് കേന്ദ്രത്തില്‍ സുഖ ചികിത്സാ ക്യാംപ് ആരംഭിച്ചത്. 22 ആനകളായിരുന്നു ക്യാംപിലുണ്ടായിരുന്നത്. പോഷകമൂല്യമുള്ള ഭക്ഷണവും ഔഷധങ്ങളും നല്‍കി ക്യാംപില്‍ പരിപാലിച്ചിരുന്നതിനു ശേഷമാണ് ആനകളുടെ തൂക്കം പരിശോധിച്ചത്.
ആദ്യമായി പതിനഞ്ച് ആനകളുടെ തൂക്കവും അളവുമാണ് പരിശോധിച്ചത്. ഇതില്‍ മൂര്‍ത്തി, കൃഷ്ണന്‍ എന്നീ ആനകള്‍ക്ക് യഥാകൃമം 100 മുതല്‍ 200 കിലോ വരെ വര്‍ധിച്ചിരുന്നു. മുമ്പ് പന്തല്ലൂര്‍ ഭാഗത്ത് ജനവാസ കേന്ദ്രങ്ങളില്‍ വ്യാപക നാശം വരുത്തിയതിനെ തുടര്‍ന്ന് വനം വകുപ്പ് പിടികൂടി പരിശീലനം നല്‍കിയ ചുള്ളികൊമ്പന്റെ തൂക്കവും വര്‍ധിച്ചിട്ടുണ്ട്.