ഒറ്റപ്പാലം: കഞ്ചാവുമായി ഒറ്റപ്പാലത്ത് യുവാവ് പിടിയിലായി. നിലമ്പൂര്‍ കരുവാരകുണ്ട് പുല്‍വട്ട കണ്ടേങ്കളത്തില്‍ ചന്ദ്രന്‍ മകന്‍ അനീഷ്(34) ആണ് പിടിയിലായത്. ഇയാളില്‍നിന്ന് 3.934കിലോഗ്രാം കഞ്ചാവാണ് ഒറ്റപ്പാലം പൊലിസ് പിടിച്ചെടുത്തത്.
തമിഴ്‌നാട് തിരുപ്പൂരില്‍ നിന്നും ട്രെയിന്‍ മാര്‍ഗം ഒറ്റപ്പാലം റെയില്‍വേ സ്റ്റേഷനിറങ്ങിയ ഇയാളെ ഇംപീരിയല്‍ തിയേറ്ററിന് സമീപത്തുവെച്ച് ഇന്നലെ മൂന്നുമണിയോടെയാണ് പൊലിസ് പിടികൂടിയത്. ഒറ്റപ്പാലം സി.ഐ പി അബ്ദുല്‍ മുനീറിന്റെ നേതൃത്വത്തിലുള്ള സംഘമാണ് അനീഷിനെ പിടികൂടിയത്. എസ്.ഐ പി ശിവശങ്കരന്‍, സിവില്‍ പൊലിസ് ഓഫിസര്‍മാരായ കെ പ്രകാശ്, കെ പ്രിയദാസ് എന്നിവരാണ് സംഘത്തിലുണ്ടായിരുന്നത്.