താനൂര്‍: ഒസ്സാന്‍കടപ്പുറം തുടര്‍വിദ്യാ കേന്ദ്രം  സംഘടിപ്പിച്ച സമ്പൂര്‍ണ  സാക്ഷരതാ പ്രഖ്യാപനത്തിന്റെ 26ാം വാര്‍ഷികാഘോഷം നഗരസഭ ചെയര്‍ പേഴ്‌സണ്‍ സി.കെ സുബൈദ ഉദ്ഘാടനം ചെയ്തു. നഗരസഭാ കൗണ്‍സിലര്‍ സുഹ്‌റ ബഷീര്‍ അധ്യക്ഷയായി. ജൈസല്‍ പരപ്പനങ്ങാടി അക്ഷര ദീപം തെളിയിച്ചു. കെ.പി അലി അക്ബര്‍, ലറീമത്ത്, നസീമ, കെ.പി അഷ്‌റഫ്, സാക്ഷരതാ പ്രേരക് നജിമു സംസാരിച്ചു.   നടക്കാവ് തുടര്‍വിദ്യാ കേന്ദ്രത്തില്‍ നടന്ന പ്രഖ്യാപന വാര്‍ഷിക ദിനാചരണം കൗണ്‍സിലര്‍ പി.ടി ഇല്യാസ് അക്ഷര ദീപം തെളിയിച്ച് ഉദ്ഘാടനം ചെയ്തു. കൗണ്‍സിലര്‍ പി ഷാഫി അധ്യക്ഷനായി. നസ്മ ബഷീര്‍, കെ ബാലന്‍, ഇ മുബീന, കെ രമണി, ഇന്ദു, ഷണ്‍മുഖന്‍ പങ്കെടുത്തു.
കുന്നുംപുറം തുടര്‍ വിദ്യാ കേന്ദ്രത്തില്‍ നടന്ന ചടങ്ങുകള്‍ കൗണ്‍സിലര്‍ പി ദിനേശന്‍ അക്ഷര ദീപം തെളിയിച്ച് ഉദ്ഘാടനം ചെയ്തു. ബാലകൃഷ്ണന്‍ അധ്യക്ഷനായി. സുലൈഖ, ലത്തീഫ്, എ.പി നവീന്‍, കെ ഗിരീഷ്, കെ രാമചന്ദ്രന്‍, കെ രമണി, ഷീജ സംസാരിച്ചു.
താനൂര്‍ ബ്ലോക്കിലെ  വികസനവിദ്യാ കേന്ദ്രത്തില്‍ പ്രസിഡന്റ് സി.കെ.എം ബാപ്പുഹാജി അക്ഷര ദീപം തെളിയിച്ച് ഉദ്ഘാടനം ചെയ്തു . റിയാസ്, എന്‍ ശോഭന, സുലൈഖ, പ്രഷീല, ടി ജലീല്‍ പങ്കെടുത്തു.