കൊല്ലം: ഗാനമേളകളില്‍ നിന്നു ചില സംഘടനകള്‍ റോയല്‍റ്റി ആവശ്യപ്പെടുന്നതിനെതിരേ സര്‍വകലാ സംഘം സംസ്ഥാന കമ്മിറ്റി സമരം നടത്തും.
സമരത്തിന്റെ ഭാഗമായി ഇന്നു രാവിലെ ചിന്നക്കട ഹെഡ് പോസ്റ്റ് ഓഫിസിനു മുന്നില്‍ എല്ലാവിഭാഗം കലാകാരന്‍മാരെയും പങ്കെടുപ്പിച്ച് ധര്‍ണ നടത്തുമെന്നു സംസ്ഥാന ജനറല്‍ സെക്രട്ടറി ജി.കെ രാജു വാര്‍ത്താസമ്മേളനത്തില്‍ അറിയിച്ചു. പ്രതിഷേധത്തിന്റെ ഭാഗമായി കലാപരിപാടികളും നടത്തും. സി.ഐ.ടി.യു ജില്ലാ സെക്രട്ടറി എസ്. ജയമോഹന്‍ ഉദ്ഘാടനം ചെയ്യും. ഷാജി കൊട്ടാരക്കര അധ്യക്ഷനാകും. എം. നൗഷാദ് എം.എല്‍.എ, പ്രൊഫ. വസന്തകുമാര്‍ സാംബശിവന്‍, കേരളകുമാര്‍ സംസാരിക്കും. വാര്‍ത്താസമ്മേളനത്തില്‍ ഷാജി കൊട്ടാരക്കര, പി.എ അശ്വിന്‍, വൃന്ദാ പ്രദീപ്, മധു ബ്രഹ്മശ്രീ എന്നിവരും പങ്കെടുത്തു.