ബെയ്ജിങ്: ചൈനയില്‍ കൊവിഡ് ചെക് പോസ്റ്റില്‍ രണ്ടു ആരോഗ്യ പ്രവര്‍ത്തകരെ കൊലപ്പെടുത്തിയയാളെ തൂക്കിക്കൊന്നു. ചൈനയില്‍ കൊവിഡ് വ്യാപനം അതിരൂക്ഷമായിരുന്ന ഫ്രബ്രുവരിയില്‍ യുന്നാന്‍ ഗ്രാമത്തില്‍ ചെക് പോസ്റ്റില്‍ ഡ്യൂട്ടിയിലുണ്ടായിരുന്ന ആരോഗ്യ പ്രവര്‍ത്തകരെ കൊലപ്പെടുത്തിയ യുവാവിനെയാണ് തൂക്കിലേറ്റിയത്. കരോകെ പരിപാടിക്ക് പോകുകയായിരുന്ന യുവാവിനെയും സുഹൃത്തുക്കളെയും ആരോഗ്യ പ്രവര്‍ത്തകര്‍ ചെക്‌പോസ്റ്റില്‍ തടഞ്ഞു.
തുടര്‍ന്ന് ആരോഗ്യ പ്രവര്‍ത്തകരുമായി വഴക്കുണ്ടാക്കിയ യുവാവ് രണ്ടു പേരെ കൊലപ്പെടുത്തുകയായിരുന്നു.