സുല്‍ത്താന്‍ ബത്തേരി: രാഹുല്‍ ഗാന്ധിക്കുവേണ്ടി പ്രചാരണത്തിനായി തമിഴ്‌നാട്ടില്‍നിന്നും മഹേന്ദ്രന്‍ വയനാട്ടിലെത്തി.
പൊള്ളാച്ചി തീത്തിപാളയം സ്വദേശി മണിയംഇല്ലം മഹേന്ദ്രന്‍ കോയമ്പത്തൂരില്‍ നിന്നും ഇന്നലെ രാവിലെയാണ് സുല്‍ത്താന്‍ ബത്തേരിയിലെത്തിയത്. കോട്ടക്കുന്നിലെ നിയോജകമണ്ഡലം യു.ഡി.എഫ് തെരഞ്ഞെടുപ്പ് പ്രചരണ ഓഫിസ് തിരഞ്ഞുപിടിച്ചെത്തിയ മഹേന്ദ്രന്‍ ഇവിടെയുള്ള നേതാക്കളോട് രാഹുല്‍ഗാന്ധിക്ക് വേണ്ടി പ്രവര്‍ത്തിക്കാനുള്ള താല്‍പര്യം അറിയിക്കുകയായിരുന്നു. രാഹുല്‍ ഗാന്ധിയോടുള്ള ഇഷ്ടമാണ് ചെറുകിട വ്യവസായിയും കോണ്‍ഗ്രസ് നേതാവുമായ മഹേന്ദ്രനെ സുല്‍ത്താന്‍ ബത്തേരിയിലെത്തിച്ചത്. ഇനി തെരഞ്ഞെടുപ്പ് കഴിയുന്നത് വരെ സുല്‍ത്താന്‍ ബത്തേരിയില്‍ ഉണ്ടാവും മഹേന്ദ്രന്‍. ഇവിടുത്തെ യു.ഡി.എഫ് നേതാക്കള്‍ക്കൊപ്പം വീടുകയറിയുള്ള പ്രചാരണത്തിലടക്കം പങ്കാളിയാവാനാണ് മഹേന്ദ്രന്റെ തീരുമാനം. രാഹുല്‍ഗാന്ധി വയനാട്ടില്‍ വന്‍ഭൂരിപക്ഷത്തിന് വിജിയക്കുമെന്നും ഇത് തമിഴ്‌നാട്ടിലും കോണ്‍ഗ്രസിന് ശക്തിപകരുമെന്നുള്ള പ്രതീക്ഷയിലാണ് മഹേന്ദ്രന്‍.