മാനന്തവാടി: കണ്ണൂര്‍ സര്‍വകലാശാലക്ക് കീഴില്‍ പ്രവര്‍ത്തിക്കുന്ന മാനന്തവാടി ക്യാംപസില്‍ വെള്ളം ലഭിക്കാത്തതിനെ തുടര്‍ന്ന് ഹോസ്റ്റലില്‍ താമസിക്കുന്ന പെണ്‍കുട്ടികള്‍ ക്യാംപസിന് മുന്നില്‍ കുത്തിയിരിപ്പ് സമരം നടത്തി.
ക്യാംപസിന് സ്വന്തമായി കിണറുണ്ടെങ്കിലും കിണറ്റിലെ നീരുറവ കുറഞ്ഞതാണ് വെള്ളത്തിന്റെ ക്ഷാമം രൂക്ഷമാക്കുന്നത്.
കുടിവെള്ള പ്രശ്‌നവുമായി ബന്ധപ്പെട്ട് വിദ്യാര്‍ഥികള്‍ നിരവധി തവണ സര്‍വകലാശാല അധികൃതരുമായി ബന്ധപ്പെട്ടെങ്കിലും അവഗണനയായിരുന്നു ഫലം.
കുത്തിയിരിപ്പ് സമരം ആരംഭിച്ചതോടെ കുടിവെള്ള പ്രശ്‌നത്തിന് അടിയന്തരമായി പരിഹാരമുണ്ടാക്കുമെന്നും അതുവരെ സര്‍വകലാശാലയുടെ ചെലവില്‍ ക്യാംപസില്‍ വെള്ളം എത്തിക്കുമെന്ന ഡയരക്ടറുടെ രേഖാമൂലമുള്ള ഉറപ്പിനെ തുടര്‍ന്ന് സമരം അവസാനിപ്പിക്കുകയായിരുന്നു.