പട്ടാമ്പി: നിയോജക മണ്ഡലത്തില്‍ പര്യടനത്തില്‍ പാലക്കാട് പാര്‍ലിമെന്റ് യുഡിഎഫ് സ്ഥാനാര്‍ഥി വി കെ ശ്രീകണ്ഠന് സ്‌നേഹോജ്വല സ്വീകരണം. യു.ഡി.എഫ് പ്രവര്‍ത്തകരും നാട്ടുകാരും ചേര്‍ന്ന് ഹാരമണിയിച്ചും അഭിവാദ്യം നേര്‍ന്നും സ്വീകരിച്ചു. വിളയൂര്‍, കുലുക്കല്ലൂര്‍, തിരുവേഗപ്പുറ, കൊപ്പം, മുതുതല, ഓങ്ങല്ലൂര്‍ എന്നിവടങ്ങളില്‍ സ്ഥാനാര്‍ത്ഥി പര്യടനം നടത്തി. മണ്ഡലത്തിലെ ഒരു.വിവാഹ വേളയിലും പങ്കെടുത്തു.
ഗൃഹസന്ദര്‍ശനം ഉള്‍പ്പെടെയുള്ള പ്രചരണ പരിപാടികളാണ് ഇന്ന് മണ്ഡലത്തില്‍ സ്ഥാനാര്‍ഥി നടത്തിയത്. കവലകളില്‍ കവലകള്‍ തോറും വോട്ടര്‍മാരെ നേരില്‍ കണ്ട് വോട്ടഭ്യര്‍ത്ഥിച്ചു. സ്ഥാനാര്‍ഥി പര്യടനം നടത്തിയ മേഖലകളില്‍ വലിയ സ്വീകരണമാണ് ലഭിച്ചത്. ഇടവേളകളില്ലാതെ മണ്ഡലത്തിലെ 58 ലേറെ സ്ഥലങ്ങളിലാണ് സ്ഥാനാര്‍ഥി പര്യടനം നടത്തിയത്. രാവിലെ 8. 30നു വല്ലപ്പുഴ ചൂരക്കോട് പള്ളി പരിസരത്തു നിന്ന് ആരംഭിച്ച പര്യടനം രാത്രി ഏറെ വൈകി വാടാനാംകുറുശ്ശി ഗേറ്റിന് സമീപമാണ് സമാപിച്ചത്. സ്ഥാനാര്‍ഥിക്കൊപ്പം മണ്ഡലത്തിലെ പ്രമുഖ യുഡിഎഫ് നേതാക്കള്‍ പങ്കെടുത്തു.