മാറഞ്ചേരി: പി. എസ്. സി. ചെയര്‍മാന്‍ എം. കെ. സക്കീറിന് വെളിയങ്കോട് പൗരാവലിയുടെ സ്‌നേഹാദരം. വെളിയങ്കോട് ഉമരി സ്‌കൂളില്‍ നടന്ന ചടങ്ങ് നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്തു.
പൗരാവലി ചെയര്‍മാന്‍ വി. കെ. ബേബി അധ്യക്ഷനായി. വെളിയങ്കോട് പൗരാവലിയുടെ ഉപഹാരം പി.എസ്.സി ചെയര്‍മാന് സ്പീക്കര്‍ കൈമാറി.
ആബിദ് ഹുസൈന്‍ തങ്ങള്‍ എം. എല്‍.എ, വി.ടി ബല്‍റാം എം.എല്‍.എ, പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് പി. എം. ആറ്റുണ്ണി തങ്ങള്‍, വെളിയങ്കോട് പഞ്ചായത്ത് ഉപാധ്യക്ഷന്‍ കെ. കെ. ബീരാന്‍കുട്ടി, ജില്ലാ പഞ്ചായത്തംഗം സമീറ ഇളയേടത്ത്, എന്‍. കെ. സൈനുദ്ദീന്‍, ഷാജി കാളിയത്തേല്‍, വി. കെ. എം. ഷാഫി, ടി. പി. കേരളീയന്‍, സുനില്‍ കാരാട്ടേല്‍, ടി. എം. ഇബ്രാഹിംകുട്ടി, പാടത്താകായില്‍ ഹുസൈന്‍, കെ. പി. ചന്ദ്രന്‍, റിയാസ് പഴഞ്ഞി, യൂസഫ് ഷാജി എന്നിവര്‍ സംസാരിച്ചു.
സ്‌നേഹാദരവിന് മുന്നോടിയായി സ്വീകരണ ഘോഷയാത്ര നടന്നു.