കോഴിക്കോട്: സി.കെ.എം സ്വാദിഖ് മുസ്‌ലിയാര്‍ സ്മാരക ഗോള്‍ഡ് മെഡലിന് വേണ്ടിയുള്ള സമസ്ത കേരളാ സുന്നീ ബാല വേദി സംസ്ഥാന അടിസ്ഥാനത്തില്‍ സംഘടിപ്പിച്ച ഇഖ്‌റഅ് ഖുര്‍ആന്‍ ടാലന്റ് ഷോ സമാപിച്ചു.
മുഹമ്മദ് സ്വാലിഹ് ഒന്നാം സ്ഥാനവും മുഹമ്മദ് റാഫി (വട്ടോളി) രണ്ടാം സ്ഥാനവും മുഹമ്മദ് ഷാമില്‍ (കാഞ്ഞങ്ങാട് ) മൂന്നാം സ്ഥാനവും കരസ്ഥമാക്കി.
കോഴിക്കോട് സമസ്ത ഓഡിറ്റോറിയത്തില്‍ സംഘടിപ്പിച്ച ഗ്രാന്റ് ഫിനാലെ ഉദ്ഘാടനവും ഗോള്‍ഡ് മെഡല്‍ വിതരണവും എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി നിര്‍വഹിച്ചു.
ആറ് ഘട്ടങ്ങളിലായിസംസ്ഥാനത്തിനകത്തെ മുന്നൂറോളം പ്രതിഭകള്‍ മാറ്റുരച്ച മത്സരത്തില്‍ ആറ് പേരാണ് ഫൈനലിലെത്തിയത്.
മുസ്തഫ ഹുദവി കൊടുവള്ളി , അല്‍ ഹാഫിള് സാബിത്ത് പയ്യന്നൂര്‍ എന്നിവരുടെ നേതൃത്വത്തിലുള്ള വിധി കര്‍ത്താക്കളാണ് അവര്‍ഡ് നിര്‍ണയിച്ചത്. എസ്.വൈ.എസ് സംസ്ഥാന സെക്രട്ടറി മുസ്തഫ മാസ്റ്റര്‍ മുണ്ടുപാറ മുഖ്യാഥിതിയായി.
ഹസൈനാര്‍ ഫൈസി, ആര്‍.വി സലാം മൗലവി, മൊയ്തു റഹ്മാനി, ശാഹുല്‍ ഹമീദ് ദാരിമി, ഫര്‍ഹാന്‍ മില്ലത്ത്, സയ്യിദ് മിസ്ബാഹ് തങ്ങള്‍, അഫ്‌റസ് കൊടുവള്ളി, ഇര്‍ഫാന്‍ കാരന്തൂര്‍, ഫായിസ് മാടാകര, അജ്‌വദ് ജുമാന്‍, സുഹൈല്‍ തിരുവള്ളൂര്‍, നിയാസ് എളേറ്റില്‍, ഹാഫിദ് കല്ലിങ്ങല്‍, മുഹമ്മദ് ഷാമില്‍, മുഹമ്മദ് മിര്‍സാദ്, മുഹമ്മദ് നിസാം സംബന്ധിച്ചു.